Fartøyhistorie frå Fjelberg, Halsnøy og Valen, del 1

400 kr

Om vara

Boka er eit omfattande verk om fiske- og fraktebåtar i området frå 1900-talet og fram til i dag. Forfattaren har gjennom mange år registrert og dokumentert rundt 500 motoriserte fartøy som har vore i drift her. Del 1 omtalar 150 av desse båtane i alfabetisk rekkefølgje, og følgjer dei så langt det er mogleg frå «vogge til grav» – frå dei blei bygde til dei blei kondemnerte eller tekne ut av teneste.I tillegg til omtalar og bilete av båtane inneheld boka reportasjar og intervju med folk som har vore knytte til fiske og transport. Fiske var ofte ei viktig attåtnæring til små og lite lønsame gardsbruk, noko som forklarer det store talet på fartøy. Det finst også anna historisk materiale, mellom anna om funnet av restane etter ein gammal båt i ei myr i Toftevåg på 1800-talet (Halsnøybåten) og om jakta «Skjoldmøen». Boka dokumenterer lokal kysthistorie og -kultur på ein grundig måte, og saman med bind 2 utgjer dette eit omfattande dokumentasjon på vår lokale, maritime historie.